CHN Yatruto’

Tipo de Crédito Plazos máximos Monto máximo por persona
Qajoj pan ayonil 36 meses Q.350,000.00

Requisitos

DPI

Ruwujil rutojik ri ya’, ri saqil
o ri oyonib’äl

Tener entre
18 a 70 años

Comprobante
de salarios / ingresos

Ral ri pwäq: Ral ri pwäq tikirel 14%. K’a pa 26% pa jun juna’.
Rajïl ri samaj nqab’än: 0.75% k’a pa 3% pa ruwi’ ri pwäq ri nqaya’ chawe.
Ruwi’ ri k’as: Chi 0.25% y 2% ik’ ik’ pa ruwi’ ri pwäq ri k’a majani’ atojon.
Yatqoyob’ej: Wi rat k’o ak’ayewal pa ruwi’ rutojik ri ak’as qik’in, tikirel yape’ yojtzijon y tikirel yatqoyob’ej waqi’ ik’ richin nachäp jun b’ey chik ri rutojik, po k’o chi nqatz’ët achike ri ak’ayewal pa ruwi’ ri apwaq.
Rujikib’al k’aslemal: K’o chi rat nachäq jun rujikib’al ri ak’aslem qik’in, richin ke ri’ ri jikib’äl xtutöj ri ak’as y majun k’ayewal xtikik’uwachij ri awach’alal.
Jikib’äl richin k’ayewal: K’o chi nachäp jun jikib’äl richin k’ayewal ri xtutöj ri ak’as wi k’o jun xtik’ulwachitäj.
Rujuna’ ri ak’ayinik: K’o chi k’o chik jun rujuna’ ri ak’ayinik.
Juna’: Ri winäq ri xtuk’utuj ri qajoj, k’atzinel chi k’o chik waqxaqlajuj (18) rujuna’ y k’o chi majani’ oxk’al lajuj (70) rujuna’.
Rukusaxik ri pwäq: Ri pwäq ri xtqaqäj chawe k’o chi nakusaj richin nalöq chuxtäq ri yek’atzin richin yasamäj, richin nalöq’ ak’ay o asamajb’al. K’o chi nak’utuj achike kiwäch samaj ri tikirel ye’ok chupam re jun qajoj re’.
RCI (Jampe’ pwäq tikiel natöj): 40% chi re ri pwäq ri nak’ül.
LTV (Ri tikirel naya’ kan qik’in): Tikirel naya’ kan ruwujil jun juyu’, jun jay o jun xolal pa qaq’a’ richin ke ri’ nqaya’ k’a ri 70% rajïl ri awulew.

Tikirel naya’ kan pa qaq’a’ jalajöj taq chuxtäq ri k’o nïm kajïl richin röj nqaya’ k’a ri 50% richin jajïl. Back to Back tikirel nqaya’ ri 90% rajïl chawe.

Chuqa’ tikirel nachäp ka’i’ chi ke re rub’eyal qajoj re’, po k’o chi nawetamaj chi toq nachäp jun k’as pa q’uch man tikirel ta nik’o pa ruwi’ ri 25% richin ri k’as.
Rujaqik jun yakoj richin ri pwäq nakusaj: Röj xtiqab’ij chawe jampe’ k’o chi naya’ kan chupam ri ayakoj richin nqajäq chawe.
Rujaqik jun yakoj richin rukakik apwäq: Röj xtiqab’ij chawe jampe’ k’o chi naya’ kan chupam ri ayakoj richin nqajäq chawe.
Achike rub’eyal xtab’än rutojik jun qajoj: K’o chi nak’uj chupam ri Sistema de Información de Riesgos Crediticios (SIRC) richin ri Superintendencia de Bancos o chupam jun chik rub’eyal retamaxik rokisaxik ri pwäq richin nawetamaj achike rub’eyal ri tojïk.
Achike nqanik’oj chi rij jun sujunïk: Toq k’o jun sujunïk pa ruwi’ jun chi ke ri k’as, jantape’ k’o chi xtiqanik’oj ronojel ri xb’anatäj, ke ri’ chuqa’ yeqak’ulub’ej winaqi’ ri yalan nïm ketamab’äl k’o pa ruwi’ ri samaj ri nb’anatäj o ri k’ayewal ri xqak’ulwachij, ruma ronojel ri nb’anatäj o ri nqab’än k’o chi k’o jun ruxe’el chuqa’ k’o chi nqanik’oj ri rub’eyal.
Rutaluxik rutzijol: Röj tikirel nqaya’ rutzijol chi ke juley chik pwaqb’äl o juley chik samajay pa ruwi’ ri rub’eyal yatojon, po jantape’ k’o chi nuya’ q’ij chi qe ri Gerencia General.
Rutz’etoxik: Jantape’ toq nak’utuj jun aqajoj röj k’o chi yojb’e awik’in richin nqatz’ët ri asamaj, o richin nqatojtob’ej achike rub’anon ri xolal, ke ri’ chuqa’ xkeqoyoj ri winaqi’ ri naya’ kan koyonib’al qik’in richin ke ri’ nqetamaj achike rub’eyal yatojon rat.
Rujikib’axik: Toq njikib’ax o toq npab’ax rub’ey jun qajoj, röj xkatqoyoj richin nqaya’ rutzijol chawe wi ri qajoj ak’utun xq’ax o man xq’ax ta, ke ri’ chuqa’ nqab’ij chawe achike ruma man xq’ax ta, röj jantape’ nqatzeqelb’ej ri nub’j ri Matriz de Facultamiento.
Rujuch’ik: Toq xtiqaya’ jun qajoj chawe jantape’ k’o chi xtiqajuch’ jalajöj taq wuj achi’el ri Pagaré o nqaya’ jun retal chupam ri Escritura Pública. Ke ri’ chuqa’ xtiqatz’ib’aj rub’eyal rutojik ri k’as.
Rub’eyal ruya’ik ri pwäq: Toq ronojel ütz chik rub’anon, toq xqajuch’ yan ronojel ri wuj, röj xtiqaya’ ri apwach chupam jun yakoj ri k’o chi xtajäq qik’in, ke ri’ chuqa’ k’o chi nawetamaj chi chupam ri jun pwäq ri’ xtiqelesaj rajïl ronojel ri samaj ri xqab’än.
Ruya’ik jun kipwaq chi ke ri qasamajela’: Pa kiwi’ ch’aqa’ chik samaj, röj k’o b’ey nqaya’ jun ti pwäq chi ke ri qasamajela’.

Re jun ri pwäq re’, ri nqaya’ chi ke ri qasamajela’ ri xojkito’ y xatkito’ richin xawelesaj ri aqajoj qik’in man junam ta chi ke konojel, ruma, ri pwaqb’äl k’o chi nutz’ët jampe’ pwäq xrelesaj ri qajonel, achike rub’eyal ri k’as xub’än ruma man e junam ta konojel ri qajoj ri yeb’an, ke ri’ chuqa’ wi ri winäq ri xub’än ri qajonïk tajin nutöj ri ruk’as achi’el qajikib’an kan. Ruma ri’ toq rat man natöj ta jun ak’as, rik’in jub’a’ chuqa’ nawetzelaj rusamaj y rupwaq jun chi ke ri qasamajel ruma rija’ ri rusamaj chi yerukanoj jeb’ël taq winaqi’ richin nqaya’ jun kiqajoj, po toq man ntojon ta re jun winäq re’ chuqa’ rija’ k’o ruk’ayewal nuk’ulchachij; ronojel re re’ jikib’an chuqa’ tz’ib’an kan chupam ri jalajöj taq rutaqanem ri pwaqb’äl, ri kitz’ib’an kan ri k’amöl taq b’ey richin re jun pwaqb’äl re’.