Información Pública
Información FinancieraRuk’ayixik ri chuxtäq e k’o pa ruq’a’ jun pwaqb’äl
Ke ri’ nb’ix chi ke ri jalajöj taq xolal, juyu’, ulew o jay ri wakami e k’o pa ruq’a’ jun pwaqb’äl ruma ri winaqi’ ri xkelesaj jun k’as pa kiwi’ man xetikïr ta xkitöj, ruma k’a ri’ xekiya’ kan richin nutojik ri k’as.
Choj ruk’ayixik
Toq k’a majani tiq’ax ka’i’ juna’ toq xok pa ruq’a’ ri pwaqb’äl o toq re re’ yesuj chupam jun sujunïk ri nub’än ri pwaqb’äl y majun ruq’on ta.
Pa jun sujuník ri k’o chi nib’an
Toq xq’ax yan ka’i’ juna’ toq xok pa ruq’a’ ri pwaqb’äl y majun winäq ik’owinäq richin nulöq’.
Pa jampe’ juna’ tikirel natöj:
- 5 juna’ (60 ik’)
- 10 juna’ (120 ik’)
- 20 juna’ (240 ik’)
- Ri ramaj richin rutojik tikirel niq’ax o niqa’, wi ke ri’ nrajo’ ri loq’oj
Ruk’ayixik pa peraj, rajïl ri loq’oj tikirel ntoj pa jalajöj taq peraj ik’ ik’ o pa jun chik rub’eyal toq naya’ ri pwäq richin naqasaj ri k’as, re re’ chuqa’ natöj ik’ ik’.
Achike nk’atzin
Achike rub’eyal nib’an kik’ayixik re jalajöj taq chuxtäq ri e k’o pa ruq’a’ ri pwaqb’äl
Ad-Corpus:
Re re’ nub’ij chi ri loq’onel nrajo’ nulöq’ ri ulew, stape’ k’o ka’i’ oxi’ ruk’ayewal, achi’el toq man nq’aläj ta akuchi’ k’o ruk’isib’al, rumonjon, rub’anikil ri jay o xa achike na.
Ad-Corpus toq e k’o k’ayewal pa ruwi’ :
Ja ri’ ri taq ulew ri k’o ki k’ayewal ruma man k’o ta pa ruchojmil ri kiwuj, toq e k’o winaqi’ chupam, toq man kan ta ütz etan; o juley chik., re re’ retaman ri loq’onel; po nrajo’ nulöq’ ri ulew, rija’ man tikirel ta xtuya’ mak chi kij ri Pwaqb’äl.
Rajïl runuk’uxik chuqa’ rub’anik jun loq’oj:
Ronojel ri tojïk ri k’o chi yeb’an richin nb’an ri k’ayinïk (rajïl ri q’atöy tzij, ri Impuestos ri k’o chi yetoj, rutz’ib’axik rub’i’ ri xolal, juley chik) k’o chi yerutöj ri loq’onel.
Ri Impuesto k’o chi nitöj pa ruwi rajïl ri k’ayinik, rajïl ri xolal chupam ri tinamït, rajïl ri rutz’ib’axik chuwäch ri DICABI richin ri Uchituy richin Finanzas Públicas.
Richin jun loq’onel man xtutöj ta Impuesto (IVA o TIMBRES FISCALES), k’o chi yeb’anatäj re re’:
- Chi ri ulew k’o chi man xa xe ruk’wan 120.00 etok’al.
- Wi k’o jun hay chupam, k’o chi re re’ xa xe ruk’wan 80.00 etok’al.
- Chi ri rajïl ri xolal man niq’ax ta chuwäch Q.250,000.00 toq k’o jay chupam o Q.120.000.00 toq ri xolal k’o pa jun lewal akuchi’ e k’o chi jay.
- Toq ri loq’onel nuk’üt jun wuj akuchi’ njikib’äx chi rija’ chuqa ri rach’alal majun kijuyu’ majun kixolal, re re’ k’o chi nuk’utuj pa Dirección de Catastro y Avalúo de Bienes Inmuebles del Ministerio de Finanzas Públicas. (Ri rach’alal ja ri rute’ rutata’, ralk’wal, o xa xe toq k’o jun chik rub’eyal ri k’o chi nuya’ rutzijol rik’in jalajöj taq wuj).
RUCHOLAJEM RUK’AYIKIX RE TAQ B’EYOMAL RE’ – Ruwaq ik’ 2022
RI JALAJÖJ TAQ B’EYAMAL QIK’IN
